أول صورة دي جزء من مجموعة صور دعائية احترافية لتيشيرت منتخب نيجيريا في كاس العالم.
التيشيرت ده كل الكميات اللي أعلنت الشركة المصممة والمصنعة للتيشيرت توفيرها في الستورز أو أونلاين اتباعت بالفعل!
وده مش بس بالنسبة للتيشيرت الأساسي.. لكن كمان التيشيرت الاحتياطي وتيشيرت التدريب.. 3 مليون قطعة اتباعت!
تصميم جذاب مختلف مش مجرد لون وشعار، صحيح كل ثقافة وكل بلد ليها ذوقها المختلف ومهم يكون التصميم متناسب مع الثقافة دي.. لكن التغيير والإبداع مهمين جدًا.
تيشيرت نيجيريا بيفكرني بتيشيرتات الكاميرون على مدار سنين اللي كانت شركة بوما هي اللي بتنتجها وبتدوّر في كل مرة على الاختلاف والاختيار المناسب لطبيعة منتخب الكاميرون واللقب بتاع “الأسود”.
كرة القدم النهارده مش مجرد رياضة.. هي صناعة متكاملة الأركان ومن أهم أركانها الالصورة الخاصة بالفرق واللاعيبة وكيفية تسويق الصورة دي وسط الجمهور.
زمن الفهلوة انتهى من زمان في كل العالم.
